Participa no Campionato CGES de Golf!

De interese para colexiados

O Consello Galego de Enxeñerías (CGES), do que forma parte o Colexio Oficial de Enxeñeiros de Telecomunicación de Galicia, está a organizar o 2º Campionato CGES de Golf. Esta cita deportiva, aberta a todos os colexiados pertencentes a calquera dos oito Colexios membros do CGES, celebrará o seu primeiro torneo, dun total de catro, o vindeiro día 2 de xuño no campo de golf de Miño.

Xa está aberto o prazo de preinscrición que durará ata o mércores 23 de maio ás 24.00 horas. No caso de que algún colexiado esté interesado en participar neste torneo, deberá facelo a través da Web do CGES.

Toda a información detallada, sobre normas e condicións de inscrición, pódese consultar no Regulamento Campionato CGES de Golf

Cartel do torneo

Dende o COETG animamos aos colexiados a participar neste evento deportivo que consideramos será un bo punto de encontro entre profesionais nun ambiente distendido e que servirá para fomentar a convivencia entre os enxeñeiros galegos das distintas enxeñerías.

golf _0.jpg