Noticias

 

O proxecto GHOST, financiado pola Comisión Europea a través do seu programa Horizonte2020, ten como obxectivo avaliar unha solución de ciberseguridade en temas de teleasistencia avanzada ou dispositivos intelixentes de saúde. É desenvolvido por dez compañías, organizacións e universidades de seis países europeos.

Cruz Vermella, como entidade participante neste proxecto europeo, busca candidatos para participar no proxecto piloto onde probarán solucións de fogar intelixente dotadas de características melloradas de seguridade e privacidade dos datos.

logogost.png

Dende a Asociación de Enxeñeiros de Telecomunicación de Galicia confirmamos un ano máis a nosa colaboración coa Axencia para a Modernización Tecnolóxica de Galicia (Amtega) coa sinatura dun acordo que, entre outras actuacións, permitirá realizar este ano talleres abertos e gratuítos sobre novas tendencias tecnolóxicas como a Intelixencia Artificial, a Realidade Aumentada ou a 5G. Estas actividades formativas, abertas, gratuítas e presenciais, estarán dirixidas a cidadáns e empresas e administracións públicas e están enmarcadas na aposta pola especialización de profesionais TIC e a capacitación dixitais de profesionais doutros sectores.

non tolees.jpg

A Asociación de Enxeñeiros de Telecomunicación de Galicia convoca unha nova edición do Premio Mellor Proxecto TIC con Beneficios Sociais que, en colaboración coa Amtega, está destinado a recoñecer os mellores proxectos no ámbito das tecnoloxías da información e a comunicación que contribúan e aporten beneficios á sociedade.

A data de recepción de candidaturas amplíase ata o luns 22 de abril ás 09:00 horas e deberase remitir a solicitude de participación ao enderezo electrónico administracion@aetg.gal

CS1A7975.jpg


De interese para asociad@s

No mes de maio arrancan os programas formativos da Escola de negocios dixitais HUB, coa que asinamos un convenio de colaboración polo cal os asociados poden acollerse a importantes descontos nos programas formativos.

  • Dúas Bolsas Talento co 50% de desconto para os programas MÁSTERS
  • Desconto do 15% sobre o prezo total de calquera dos programas formativos
hubconvenio.jpg

De interese e reservado só para colexiados

Con motivo da publicación o sábado 30 de marzo da resolución do Ministerio de Política Territorial e Función Pública, pola que se convoca o proceso selectivo para o ingreso no Corpo Superior de Sistemas e Tecnoloxías da Información da Administración do Estado, terá lugar un taller informativo o vindeiro 9 de abril na Real Academia de Ingeniería en Madrid (Rúa de Don Pedro, 10). Durante o mesmo, os colexiados asistentes poderán formular as súas dúbidas, inquietudes e outras cuestións que teñan en relación ás oposicións, aos requisitos para acceder e á preparación necesaria.

taller.jpg

En virtude do acordo de colaboración entre o Colexio Oficial/Asociación de Enxeñeiros de Telecomunicación de Galicia e Escuela de Finanzas, os asociad@s/colexiad@s están convidados a asistir á xornada "Interim Management: el talento directivo como servicio", que terá lugar o 11 de abril de 2019 en Vigo.

Máis información

foto EF.jpg
Distribuir contido