Noticias

 

En virtude do acordo de colaboración entre o Colexio Oficial/Asociación de Enxeñeiros de Telecomunicación de Galicia e Escuela de Finanzas, os asociad@s/colexiad@s están convidados a asistir á xornada "Interim Management: el talento directivo como servicio", que terá lugar o 11 de abril de 2019 en Vigo.

Máis información

foto EF.jpg

Onte publicouse na tribuna de Mercados de La Voz de Galicia o artigo escrito polo enxeñeiro de telecomunicación e membro da xunta de goberno do COETG, Xavier Alcalá, no que realiza una reflexión sobre as repercusións dos aeroxeradores sobre os servizos de radiocomunicación e radiolocalización e a necesidade de dispoñer dunha regulamentación axeitada. As alternativas enerxéticas que se abriron paso trala era do petróleo fixeron das renovables unha das opcións, que en Galicia tiveron as primeiras representacións nos aeroxeradores. Esta publicación corresponde á serie de artigos cos que desde o COETG e a AETG colaboramos na labor divulgativa sobre as Tecnoloxías da Información e a Comunicación á sociedade.

Accede á publicación

aeroxeradores.jpg

O venres 5 de abril membros do COETG e dos outros sete Colexios que integran o Consello Galego de Enxeñerías percorreron a Ruta da Construcción Naval en Ferrol. A ruta deu comezo coa visita ao arsenal do S.XVIII, para continuar ata Navantia onde os asistentes foron recibidos polo seu director, Jorge Filgueira quen lles amosou as distintas zonas e edificios que compoñen o estaleiro, sobre a maqueta das instalacións, realizando tamén un breve percorrido histórico das distintas etapas do mesmo. O percorrido rematou coa visita ao museo da construcción Naval (EXPONAV).

navantiacges.jpeg

De interese para colexiados
Mañá 10 de abril celébrase na Cidade da Cultura o #Orange20Aniversario. Durante o acto, presentado por Luz Usamentiaga, directora de Relaciones Institucionales, RSC y Fundación de Orange España, terá lugar a presentación do informe “Impacto de 20 años de liberalización de las telecomunicaciones en España 1998-2018”, 20 aniversario de Orange. Impacto en Galicia a cargo de Miguel Barroso, Socio de Deloitte e que contará coa intervención de Ignacio de Orúe, Director de Personas Comunicación y Relaciones Institucionales de Orange España.

image003.png

Na tarde de onte tiveron lugar a Asemblea Xeral Ordinaria do Colexio Oficial de Enxeñeiros de Telecomunicación de Galicia e a Xunta Xeral Ordinaria da Asociación de Enxeñeiros de Telecomunicación de Galicia en Santiago de Compostela. Ámbalas dúas xuntanzas transcorreron segundo os puntos recollidos nas respectivas ordes do día coa aprobación das actividades do COETG e da AETG, a aprobación das contas anuais e orzamentos e as altas e baixas de colexiados e asociados.

IMG_0915web.JPG

O venres día 22 de marzo presentamos publicamente xunto cos demais Colexios de Enxeñería que conformamos o CGES, o documento elaborado conxuntamente ‘Medidas desde a Enxeñería para o Desenvolvemento de Galicia’ no que, os Enxeñeiros de Telecomunicación como precursores e impulsores da informática e as telecomunicacións, propuxemos un conxunto de medidas para impulsar o desenvolvemento de Galicia, en catro grandes liñas:

• Medidas que impulsen a creación dunha potente industria das telecomunicacións e as tecnoloxías da información en Galicia, que atraia a empresas foráneas ao seu establecemento na nosa terra.
• Medidas que impulsen a creación de empresas con base tecnolóxica e centradas no dato, que fagan uso de habilitadores como: a intelixencia artificial, o Big Data, a Ciberseguridade, etc
• Medidas que impulsen a formación dun denso tecido de profesionais altamente capacitados: enxeñeiros de telecomunicación, científicos do dato, programadores, etc.
• Medidas que impulsen a transformación da industria en industria 4.0 a través das TIC.

O documento pódese descargar no seguinte enlace Medidas CGES

decanoActoCGES.jpg
Distribuir contido