Noticias

 

O Colexio Oficial e a Asociación de Enxeñeiros de Telecomunicación de Galicia veñen de publicar unha nova edición da revista A Nosa Rede, con motivo da XVII Noite Galega das Telecomunicacións e da Sociedade da Información 2012, este ano dedicada ás Smart Cities, a tecnoloxía ao servizo dos cidadáns.

Trátase dun monográfico sobre as cidades intelixentes que conta coa participación das empresas máis relevantes neste eido presentes na Noite Galega das Telecomunicacións, que a través das súas colaboracións en forma de artigos, fan unha abordaxe dende múltiples e moi diversas perspectivas, achegando dese xeito unha visión global e completa da situación deste importante campo de desenvolvemento tecnolóxico.

A Nosa Rede

a_nosa_rede_19_novembro-01.jpg

O noso compañeiro Elías Pérez Carrera, cofundador da empresa Quobis e enxeñeiro de telecomunicación pola Universidade de Vigo foi galardoado cun dos premios TR35 otorgado polo prestixioso Instituto Tecnolóxico de Massachussets, MIT.

O MIT, a traveso da súa revista Technology Review, recoñece e premia o traballo dos 10 xóvenes innovadores españois menores de 35 anos máis destacados. Este ano, Technology Review en español puso en marcha a segunda edición dos premios TR35 Spain 2012. O obxectivo é atopar traballos innovadores capaces de revolucionar o mundo da tecnoloxía e os negocios nun futuro próximo.

O Colexio Oficial de Enxeñeiros de Telecomunicación de Galicia (COETG) participa no Programa de Voluntariado Dixital posto en marcha pola Axencia para a Modernización Tecnolóxica de Galicia (AMTEGA) e a Consellería de Traballo e Benestar. Este programa pretende achegar as novas tecnoloxías a unha maior porcentaxe da poboación, favorecendo deste xeito a inclusión dixital de toda a cidadanía.

Ademais do COETG, participan neste proxecto diversas entidades colaboradoras coa finalidade común de fomentar actividades de difusión da sociedade dixital e do coñecemento, a través da posta en marcha dun proxecto de ensinanza e impulso de Internet cuxo obxectivo é introducir á sociedade na utilización das tecnoloxías da información e comunicación co fin de favorecer a súa integración social e laboral.

Ante esta decisión o Colexio Oficial de Enxeñeiros de Telecomunicación manifesta a súa preocupación ante as dificultades que terá a Administración para valorar os proxectos non verificados e os posibles retrasos na emisión de licenzas de edificación en España.

O Tribunal Supremo derogou a reserva de actividade dos Enxeñeiros de Telecomunicación e Enxeñeiros Técnicos de Telecomunicación no que respecta aos proxectos de Infraestruturas Comúns de Telecomunicación (que estaban amparadas polo Real Decreto 346/2011) e anula a obrigatoriedade de verificación de proxectos de ICT.

O evento, organizado polo Colexio Oficial e a Asociación de Enxeñeiros de Telecomunicación de Galicia (COETG-AETG), celebrouse o venres 26 de outubro, no Gran Hotel da Toxa (O Grove, Pontevedra) baixo o lema “Smart Cities, a tecnoloxía ao servizo dos cidadáns”.

A gala contou coa presenza de numerosas autoridades autonómicas, provinciais e locais entre as que destacan o presidente da Xunta de Galicia, Alberto Núñez Feijóo, a directora da Axencia para a Modernización Tecnolóxica de Galicia (AMTEGA), Mar Pereira, o secretario xeral de Medios, Alfonso Cabaleiro, o presidente da Deputación Provincial de Pontevedra, Rafael Louzán, e o alcalde de A Coruña, Carlos Negreira.

noite1.jpg

Este venres día 19 tivo lugar en Popular TV o debate moderado polo Secretario Xeral do Colexio Oficial de Enxeñeiros de Telecomunicación de Galicia, Ramón Mª Lois, no que participaron tres representantes dos partidos políticos con representación no Parlamento de Galicia.

O contido deste debate estivo enfocado cara ás diferentes temáticas da área TIC con especial incidencia en Galicia, así, tratáronse temas relativos aos principais obxectivos e liñas estratéxicas de política autonómica en materia de Telecomunicacións e Sociedade da Información.

Pódese ver no seguinte enlace

colexio_oficial_enxeneiros_telecomunicacion_galicia.jpg
Distribuir contido