Noticias

 

O vogal da xunta de goberno do Colexio Oficial de Enxeñeiros de Telecomunicación de Galicia, Luis Castedo, postúlase como un dos dous candidatos finalistas á segunda volta nas eleccións a reitor da Universidade da Coruña, votación que terá lugar o vindeiro día 13 de decembro.

Máis información

Dende o Colexio Oficial e a Asociación de Enxeñeiros de Telecomunicación de Galicia dámosvos a benvida á nosa nova páxina web e invitámosvos a navegar polas súas diferentes seccións. A través dos distintos submenús, poderedes descubrir multitude de novidades que abranguen dende información institucional, ofertas de emprego e formación, publicacións especializadas, documentación sobre a profesión, eventos e noticias do sector, etc... Este é só un exemplo dalgunhas das seccións que teñen cabida no noso novo portal.

O Colexio Oficial e a Asociación de Enxeñeiros de Telecomunicación de Galicia, informan da xornada "Cómo crecer cuando los mercados no crecen" organizada por APD que terá lugar o vindeiro martes día 15 de novembro a partires das 10.00 horas en Santiago de Compostela, coa participación de Francisco Román, presidente executivo de Vodafone España, e na que, grazas ao acordo entre APD e o COETG/AETG, é de carácter gratuíto para colexiados e asociados.

Posteriormente celebrarase un Almorzo no que os colexiados/asociados que o desexen, poden inscribirse cunhas condicións especiais.

competitividad_inv_enxe_pagina_1.jpg

O Colexio Oficial e a Asociación de Enxeñeiros de Telecomunicación de Galicia editan o Monográfico especial da revista A Nosa Rede con motivo da Noite Galega das Telecomunicacións e da Sociedade da Información 2011. A revista publícase xunto co xornal La Voz de Galicia na súa edición xeral.

anr201110_1_pagina_1.jpg

Así o expresou o decano do Colexio Oficial de Enxeñeiros de Telecomunicación de Galicia, Ramón Bermúdez de Castro Olavide, na Noite Galega das Telecomunicacións e da Sociedade da Información, gala que reuniu na Toxa a preto de 300 profesionais das TIC na súa decimosexta edición, dedicada á Nova Economía sobre a Banda Larga.

Bermúdez de Castro igualou a banda larga coa infraestrutura esencial para a participación na economía moderna e instou a todos os axentes da comunidade tecnolóxica galega, onde o COETG debe ocupar un lugar prioritario, a colaborar coa Xunta de Galicia na implantación dos programas de alfabetización dixital ao supoñer unha oportunidade de recuperación en tempos de crise.

O acto, presidido polo conselleiro de Economía e Industria, Javier Guerra, contou co respaldo de diversas autoridades autonómicas, como a secretaria xeral de Modernización e Innovación Tecnolóxica, e cun relator de excepción, o presidente da Comisión do Mercado das Telecomunicacións (CMT), Bernardo Lorenzo.

presentacion_ngt2011.jpg

O Colexio Oficial e a Asociación de Enxeñeiros de Telecomunicación de Galicia (COETG-AETG) concederán os seus tradicionais Premios Galicia das Telecomunicacións no marco da XVI Noite Galega das Telecomunicacións e da Sociedade da Información, o vindeiro 21 de outubro no Gran Hotel da Toxa e contará cun invitado de excepción, o presidente da Comisión do Mercado das Telecomunicacións, Bernardo Lorenzo Almendros, que impartirá unha charla sobre a temática deste ano, a “Nova Economía sobre Banda Larga”.

Distribuir contido