Noticias

 

IMG_3107.jpg

Galería de Fotos

“É preciso lembrar que a primeira Escola de Informática de España xurdiu como un spin off da Escola Técnica Superior de Enxeñeiros de Telecomunicación de Madrid. Podemos interpretar este feito como que os telecos somos os pais da informática no noso país e iso nos lexitima aínda máis para reivindicar o noso papel no eido dixital”. Son palabras do decano do Colexio Oficial de Enxeñeiros de Telecomunicación de Galicia (COETG) durante a súa intervención na Noite Galega das Telecomunicacións, celebrada o venres 1 de xunio no Hotel Pazo Los Escudos de Vigo.

Recentemente foi presentado o recurso ante o Tribunal Superior de Xustiza de Galicia á sentencia emitida polo Xulgado do Contencioso Administrativo de Santiago de Compostela en virtude da cal se desestima o recurso interposto contra o acordo plenario da Deputación Provincial da Coruña do 23 de decembro de 2016, que aprobou a relación de postos de traballo (RPT) para 2017.

deputacion da coruna.jpg

O pasado xoves día 24 de maio celebrouse no marco do Congreso Galicia TIC a Competición de Enxeñería coordinada polo COETG na que varios equipos tiveron que resolver un proxecto de aplicación dos conceptos de Smart City a un entorno rural, concretamente ao concello de Chantada. O xurado constituído en representación do COETG por Ricardo Fernández, César Mariñas, Víctor Pita e Javier Fernández Fraga, valorou moi positivamente o traballo realizado polos equipos participantes e determinou outorgar o premio ex acuo aos grupos correspondentes ás entidades Gradiant e R. Os gañadores foron Alberto Marín, Pablo Rodríguez e Sara Cela por parte de Gradiant e David Centeno, Martín Álvarez e Fernando Gallego por parte de R. O premio consistirá na asistencia á Noite Galega das Telecomunicacións o vindeiro día 1 de xuño.

galicia tic gr compet.jpg

O Premio Socio de Honra da AETG 2018 distingue nesta nova edición dos premios Galicia das Telecomunicacións e da Sociedade da Información 2018, a Luciano Vidán, presidente do Colexio Oficial de Médicos da Coruña, polo pulo outorgado á entidade que dirixe en relación ao desenvolvemento de novas tecnoloxías que permiten mellorar e optimizar o traballo no eido sanitario. Neste sentido, o Colexio de Médicos da Coruña, segundo constata o seu representante, aposta polo favorecemento do uso das TIC na profesión médica co obxecto de que o seu emprego redunde “nunha mellor praxe e nunha mellor atención sanitaria aos cidadáns”.

FOTOvidanmartinez.JPG

O vindeiro venres día 1 de xuño, o noso compañeiro Joaquin Lameiro Paz, recollerá o galardón de Enxeñeiro do Ano 2018 do Colexio Oficial e a Asociación de Enxeñeiros de Telecomunicación de Galicia, xunto co resto de galardoados no transcurso da Noite Galega das Telecomunicacións que terá lugar en Vigo.

Lameiro será homenaxeado pola súa exemplar traxectoria profesional e o seu fondo compromiso co desenvolvemento do sector das telecomunicacións no noso país. É Enxeñeiro Superior de Telecomunicación pola ETSIT de Madrid, e durante 38 anos desenvolveu a súa carreira profesional na industria das TIC e dos servizos de consultoría tecnolóxica. Traballou para Wang Laboratories e tamén para IBM, empresa na que ocupou diversos postos de responsabilidade. Entre 1999 e 2014 foi director rexional desta multinacional na zona noroeste de España, ocupándose da representación institucional da empresa e da relación con clientes e partners. Pertenceu tamén ás xuntas directivas do COETG e a AETG durante varios anos e foi director a revista da AETG, A Nosa Rede.

lameiro2.jpg
  • O enxeñeiro de telecomunicación, Joaquín Lameiro, distinguido co título Enxeñeiro do Ano, e Luciano Vidán, presidente do Colexio Oficial de Médicos da Coruña, co de Socio de Honra.
  • O proxecto Litter Drone, para a monitorización do lixo mariño empregando drons e análises de imaxe, dirixido polo profesor Fernando Martín, foi galardoado co Premio ao Mellor Proxecto TIC con Beneficios Sociais 2018.
  • O Premio á Mellor Tese de Doutoramento Aplicada ao Sector TIC deste ano recaeu en David Vázquez.
  • O director de IT de Abanca recollerá, no nome da entidade financeira, o Premio Acuntia á empresa galega que aposta polo desenvolvemento de infraestruturas intelixentes de telecomunicacións.
TeaserNGTSI18.jpg
Distribuir contido