Noticias

 

Hoxe día 6 de xuño tivo lugar na cidade da Coruña a presentación sobre a Axenda Dixital da Coruña, o novo plan director da sociedade da Información e a Comunicación da cidade, que está enmarcado dentro do Plan Estratéxico da Coruña: Coruña Futura.

O concello da Coruña anuncia como un dos programas vertebradores desta Axenda Dixital o programa Smart Coruña, fruto do convenio entre a administración municipal e o Ministerio de Economía e Competitividade. Este proxecto conta co período de execución 2012-2013 e cun importe global de 11,5 millóns de euros, cofinanciado ao 70% polo Fondo Europeo de Desarrollo Rexional (FEDER).

logo.png

Co gallo do Día Mundial das Telecomunicacións e da Sociedade da Información 2012, que se celebrou o pasado 17 de maio coincidindo en Galicia co Día das Letras Galegas, o Colexio Oficial de Enxeñeiros de Telecomunicación de Galicia (COETG) celebrou o V Concerto das Telecomunicacións, que este ano tivo lugar no Museo de Belas Artes da Coruña.

concerto.jpg

O Colexio Oficial e Asociación de Enxeñeiros de Telecomunicación de Galicia celebrarán o seu tradicional Concerto das Telecomunicacións o vindeiro día 1 de xuño en A Coruña. Con este evento pechan a axenda de actos cos que conmemoraron este ano o Día Mundial das Telecomunicacións e da Sociedade da Información 2012.

Neste ano, o Concerto das Telecomunicacións chega á súa quinta edición cun destacado repertorio formado por pezas clásicas de G.Ph. Telemann, R. Glier e F. Mendelssohn interpretadas polo grupo "Trío Klásiko".

imagen_concerto.jpg

Hoxe o Colexio de Enxeñeiros de Telecomunicación retransmite on-line para os seus colexiados unha xornada informativa sobre a Internet das Cousas baixo o lema "Retos da Internet das Cousas" co obxevtivo de plantearse e analizar os retos máis importantes para que realmente este novo paradigma sea unha realidade canto antes.

Esta xornada, que pretende abarcar dúas áreas temáticas nunha mesma xornada, como son o Impacto da Internet das Cousas na Sociedade e os aspectos máis tecnolóxicos da Internet das Cousas, comezará as 09:00 horas da mañá e rematará as 19:10 horas da tarde.

internt_de_las_cosas_pagina_2.jpg

A Asociación puntoGal presentou hoxe a candidatura do dominio .gal ante o ICANN, co apoio de diferentes entidades entre as que se atopa o Colexio Oficial de Enxeñeiros de Telecomunicación de Galicia, como membro da directiva desta asociación.

O obxectivo é que Galicia teña proxección no mundo dixital cun dominio propio baixo o que poderán rexistrarse aquelas entidades, empresas ou persoas que se expresen en lingua galega e que contribúan ao fomento da nosa cultura.

imx-cab01.jpg

O Colexio Oficial de Enxeñeiros de Telecomunicación de Galicia ofrece a posibilidade aos colexiados de asistir á Xornada de Networking organizada polo Clúster Audiovisual Galego, o Clúster TIC Galicia e Eganet. Esta xornada pretende ser un punto de encontro entre as entidades integradas nas citadas organizacións (polo tanto teñen acceso os colexiados do COETG, como membro este do Clúster TIC Galicia) co obxectivo de fomentar a posta en marcha posibles actuacións de negocio conxuntas entre as entidades asistentes.

imagen_jornada_baja.jpg
Distribuir contido