Noticias

 

O Colexio Oficial de Enxeñeiros de Telecomunicación de Galicia ofrece a posibilidade aos colexiados de asistir á Xornada de Networking organizada polo Clúster Audiovisual Galego, o Clúster TIC Galicia e Eganet. Esta xornada pretende ser un punto de encontro entre as entidades integradas nas citadas organizacións (polo tanto teñen acceso os colexiados do COETG, como membro este do Clúster TIC Galicia) co obxectivo de fomentar a posta en marcha posibles actuacións de negocio conxuntas entre as entidades asistentes.

imagen_jornada_baja.jpg

O Goberno galego aprobou o pasado venres o proxecto de Lei de Impulso e Ordenación das Telecomunicacións de Galicia, o primeiro destas características na nosa comunidade e que obrigará á vivenda nova a dispor de instalacións TIC para avanzar na implantación do fogar dixital.

parlamento.jpg

O Colexio Oficial de Enxeñeiros de Telecomunicación de Galicia organizou onte unha visita guiada polo aeroporto da capital compostelá para coñecer as infraestruturas de telecomunicacións e os sistemas de navegación aérea.

Grazas ó persoal técnico de AENA, os colexiados e asociados tiveron a oportunidade única de coñecer de primeira man todo o funcionamento dos distintos sistemas de navegación aérea do aeroporto santiagués.

aeroporto_022_0.jpg

O vindeiro día 1 de xuño celébrase no Centro Social Novacaixagalicia de Vigo a Xornada Técnica TELCOM 2012 Galicia organizada por AGEINTE e FENITEL, á cal os colexiad@s/asociad@s do Colexio Oficial e a Asociación de Enxeñeiros de Telecomunicación de Galicia, poderán asistir de forma gratuíta.

A Xornada celebrase baixo o lema "Xestionando o presente para gañar o futuro" e nela trataranse temas como o Fogar Dixital, as Smart Cities e a ICT2.

banner_telcom.jpg

O Colexio Oficial de Enxeñeiros de Telecomunicación de Galicia (COETG) e a Axencia para a Modernización Tecnolóxica de Galicia (Amtega) colaborarán no impulso do Fogar Dixital e o Edificio Dixital en Galicia. Así se recolle nun convenio asinado esta mañá entre o decano do Colexio, Ramón Bermúdez de Castro Olavide e a directora da Amtega, Mar Pereira.

Segundo establece o acordo, o Colexio Oficial de Enxeñeiros de Telecomunicación de Galicia elaborará unha guía na que se establecerán as bases e pautas de actuación de cara á implantación do Fogar Dixital e o Edificio Dixital e que servirá de referencia para todos os axentes involucrados no mesmo (promotores, arquitectos, construtores, instaladores, enxeñeiros de telecomunicación, técnicos municipais, etc).

clip_image002.jpg

O Colexio Oficial de Enxeñeiros de Telecomunicación de Galicia (COETG) quere dirixirse un ano máis a toda a sociedade galega con motivo do Día Mundial das Telecomunicacións e da Sociedade da Información 2012, que hoxe, día 17 de maio, se celebra en todo o mundo. Esta data aspira a contribuír á sensibilización respecto das posibilidades que a utilización das tecnoloxías da información e da comunicación (TIC) poden aportar as sociedades e as economías, e tamén á redución da fenda dixital.

O desenvolvemento das tecnoloxías TIC ten na desigualdade dixital o maior dos seus retos, en referencia tanto ás diferenzas existentes entre países desenvolvidos ou en vías de facelo, comunidades rurais ou urbanas, e tamén as desemellanzas que hai dentro de cada un destes lugares entre as persoas que conviven neles, e moitas veces, dentro dos seus propios fogares.

Dende o COETG, queremos facer un chamamento á sociedade civil no seu conxunto, adheríndonos ás palabras do Secretario Xeral da UIT con motivo do Día Mundial das Telecomunicacións e da Sociedade da Información 2012, manifestando que “as TIC desempeñan unha función catalítica na creación de oportunidades para todas as persoas, en particular as máis vulnerables e desfavorecidas, ao tempo que crean as condicións propicias para o desenvolvemento sostible a longo prazo”. Así, consideramos que é preciso utilizar o potencial das TIC en beneficio das mulleres e das rapazas, mediante a supresión das diferenzas de xénero.

Distribuir contido