Noticias

 

Este venres día 19 tivo lugar en Popular TV o debate moderado polo Secretario Xeral do Colexio Oficial de Enxeñeiros de Telecomunicación de Galicia, Ramón Mª Lois, no que participaron tres representantes dos partidos políticos con representación no Parlamento de Galicia.

O contido deste debate estivo enfocado cara ás diferentes temáticas da área TIC con especial incidencia en Galicia, así, tratáronse temas relativos aos principais obxectivos e liñas estratéxicas de política autonómica en materia de Telecomunicacións e Sociedade da Información.

Pódese ver no seguinte enlace

colexio_oficial_enxeneiros_telecomunicacion_galicia.jpg

O pasado día 18 de outubro tivo lugar no programa Bos Días da TVG unha entrevista ó Decano-Presidente do Colexio Oficial e da Asociación de Enxeñeiros de Telecomunicación de Galicia, Ramón Bermúdez de Castro, co motivo da presentación da Guía práctica para a implantación do Edificio e o Fogar Dixital, elaborada pola Asociación de Enxeñeiros de Telecomunicación de Galicia (AETG) en colaboración coa Axencia para a Modernización Tecnolóxica de Galicia (AMTEGA).

Este documento-marco contén toda a información precisa en termos técnicos e económicos sobre a implantación do Edificio e o Fogar Dixital, e será o Manual de referencia en Galicia para o desenvolvemento das infraestruturas TIC necesarias para soportar o acceso aos novos servizos tecnolóxicos que posibilita a Sociedade da Información.

Pódese ver no seguinte enlace

O luns 15 de outubro tivo lugar na Cidade da Cultura a presentación da Guía práctica para a implantación do Edificio e o Fogar Dixital, elaborada pola Asociación de Enxeñeiros de Telecomunicación de Galicia (AETG) en colaboración coa Axencia para a Modernización Tecnolóxica de Galicia (AMTEGA). Este documento-marco, que contén toda a información precisa en termos técnicos e económicos sobre a implantación do Edificio e o Fogar Dixital, será o Manual de referencia en Galicia para o desenvolvemento das infraestruturas TIC necesarias para soportar o acceso aos novos servizos tecnolóxicos que posibilita a Sociedade da Información.

miniatura-portada-libro.jpg

O mércores día 10 de outubro @s colexiad@s e asociad@s do COETG/AETG visitaron as instalacións da Escola Naval Militar de Marín, o Centro de Medidas Electromagnéticas (CEMEDEM) e o Centro Universitario da Defensa. Os asistentes tiveron a oportunidade de visitar o simulador de navegación, o planetario, o museo da escola naval, o pañol histórico, o CEMEDEM e a biblioteca académica e casino de alumnos.

007.jpg

Asiste gratis ao Taller de empregabilidade

En virtude do acordo de colaboración asinado recentemente entre a Escola Europea de Negocios (EEN) e a AETG os asociad@s e colegiad@s interesados poderán asistir gratuitamente ao "Taller de Empregabilidade: A esencia para encontrar un novo emprego". Este taller terá lugar o 10 de octubre en A Coruña.

O vindeiro día 26 de outubro terá lugar en A Toxa a celebración da XVII Noite Galega das Telecomunicacións e da Sociedade da Información organizada polo Colexio Oficial e a Asociación de Enxeñeiros de Telecomunicación de Galicia (COETG-AETG). Nesta edición, a Noite centrarase nas Smart Cities, sendo o lema "Smart Cities, a tecnoloxía ao servizo dos cidadáns" un concepto de cidades comprometidas co entorno, onde as infraestruturas están dotadas de solucións tecnolóxicas avanzadas para facilitar a interacción das persoas cos elementos urbanos e no que están implicados diferentes sectores, como o enerxético ou o asistencial e mesmo outros, como o de turismo e ocio.

noite2012_0.png
Distribuir contido