O Congreso FITCE, que celebra a súa 49º edición, tivo lugar na capital galega, Santiago de Compostela, coincidindo co Ano Santo Xacobeo, dende o 1 ata o 4 de setembro. O evento, que congregou no Palacio de Congresos e Exposicións de Galicia a máis de 300 asistentes procedentes de todos os puntos da xeografía europea, centrouse no estado presente e plans futuros das Infraestruturas de Telecomunicacións baixo o slogan The Way of Santiago and European Telecommunications.
O Congreso FITCE contou có apoio da S.A.R. o Príncipe de Asturias, D. Felipe de Borbón e Grecia, como presidente do comité de honra do mesmo. Forman parte tamén deste Comité, Alberto Núñez Feijoó, Presidente da Xunta de Galicia; Miguel Sebastián Gascón, Ministro de Industria, Turismo e Comercio; Bernardo Lorenzo Almendros, Secretario de Estado de Telecomunicaciones e da Sociedade da Información; Mar Pereira Álvarez, Secretaria Xeral de Modernización e Innovación Tecnolóxica da Xunta de Galicia, entre outros.
A 49º edición do Congreso FITCE comezou coa recepción dos asistentes ao congreso durante a tarde do mércores día 1, no hotel Puerta del Camino, situado a carón do Palacio de Congresos, na cal estiveron presentes os representantes do FITCE a nivel europeo e local, para dar a benvida aos congresistas.
O Palacio de Congresos e Exposicións de Galicia acolleu o programa científico do Simposio composto por 35 presentacións orais, 13 sesións de posters e dúas mesas redondas (integradas por fabricantes e operadores de telecomunicacións respectivamente). Os relatores analizaron o campo dos servizos e aplicacións TIC, profundando na nova era do TIC e as redes de acceso pensadas para o mañá e deron un paso no camiño cara ás redes de próxima xeración.
O xoves día 2 ás 9.00 horas deu comezo a primeira xornada coa formalización da inscrición por parte dos congresistas. Ás 9.30 tivo lugar a Sesión de Apertura na que interviñeron Andrea Penza, presidente de FITCE, Miguel Merino, presidente do comité executivo de FITCE e Mar Pereira, secretaria xeral de Modernización e Innovación Tecnolóxica da Xunta de Galicia.
Programa Técnico FITCE
Libro Abstracts FITCE
Durante os dous días de sesións, celebráronse dúas Mesas Redondas. A primeira, celebrada o xoves baixo o título “>Present and future of telecomunications services in Spain”, estivo moderada polo representante da Asociación de Enxeñeiros de Telecomunicación de Galicia, Javier Laíño, e participaron Antoni Elías, en representación da Comisión do Mercado das Telecomunicacións, Alberto Moreno da compañía Telefónica, Didier Clavero de Vodafone e José Pose e IBM Telco. Nesta mesa os temas debatidos xiraron entorno ao presente e futuro dos servizos de telecomunicación en España. Falouse sobre o espectro radioeléctrico, do dividendo dixital, e da evolución das redes de acceso 2G/GPRS/EDGE/3G/HSPA+/LTE... e o FTTN-FTTH, ademáis de temas relacionados coa innovación de produtos e servizos, a competencia e os servizos de percepción do cliente, como será o futuro, cal é a posición dos operadores, etc.
A segunda Mesa, celebrouse o venres e versou sobre a temática “European manufacturers: ICT trends and implications”. Estivo moderada por Valerik Vardanyan, representante da Asociación de Enxeñeiros de Telecomunicación de Galicia, e participaron Justo Rodal en representación de Televés, Xerardo García en representación de Itelsis e Juan Carlos García representante de Ericsson. O tema de debate desta mesa xirou entorno aos fabricantes europeos, as tendencias e implicacións das TIC, así falouse sobre o avance tecnolóxico e os avances das TIC, a converxencia de servizos TIC e equipos, novas tendencias das aplicacións TIC industriais, o Estado e os problemas de produción en Europa, tanto problemas económicos como de calidade, seguridade e de lexislación europea, dos requisitos e as perspectivas de desenvolvemento das TIC, etc.
Tamén durante o xoves e o venres, se celebraron dous Keynote Lecture. O primeiro, tivo lugar o xoves e a persoa invitada foi Luis Rodríguez Roselló, que é enxeñeiro de telecomunicación e Director i.a. de "Redes converxentes e Servizos" na Comisión Europea. Luis Rodríguez é toda unha personalidade no ámbito das Tecnoloxías da Información e a Comunicación, foi Director do R & D do Departamento na ITE (Instituto de Tecnoloxías na Educación) do Ministerio de Educación en España e, posteriormente, xefe do Departamento Internacional do CDTI (Centro para o Desenvolvemento Tecnolóxico e Industrial). Dende o ano 1989 uniuse á Comisión Europea como Xefe de división na Dirección Xeral da "Sociedade da Información e Medios" responsable da R+D Programa Delta (Desenvolvemento Europeo de Aprendizaxe a través do avance tecnolóxico). Despois de dirixir diversas unidades na Comisión, en novembro de 2009 foi nomeado Director i.a. de "Redes converxentes e Servizos".
Roselló revelou nesta charla a súa visión sobre as directrices que marcarán Europa para o desenvolvemento da Sociedade da Información. O lanzamento pola Comisión Europea do novo programa de traballo de investigación, incluíndo unha iniciativa dun futuro Internet cunha colaboración pública-privada, que lanza unha nova perspectiva: o compromiso de impulsar a infraestrutura de Internet, servizos e aplicacións, os novos medios, servizos e industria de rede e dos intervintes na investigación, que terá unha oportunidade de ouro para desenvolver e probar os servizos innovadores en estreita colaboración cos sectores usuarios, para asumir o liderado no economía de Internet, permitindo infraestruturas máis intelixentes para a sociedade en xeral. Esta iniciativa é parte dos novos plans para a Investigación en TIC nas redes do futuro "redes amplas e fiables e infraestruturas de servizo", e complementa unha visión centrada no usuario "tradicional" como unha visión europea de I+D a longo prazo.
O segundo Keynote Lecture tivo lugar o venres e a persoa invitada foi Daniel Torres Mancera, Director do Observatorio das Telecomunicacións e da Sociedade da Información Red.es desde 2008. Daniel é enxeñeiro de telecomunicación e ejecutivo MBA polo Instituto de Empresa e ISEM (Universidade de Navarra ). De 2004 a 2008 foi asesor do Secretario de Estado das Telecomunicacións e da Sociedade da Información, e membro do consello de administración da Inteco, SA (empresa pública de desenvolvemento da accesibilidade e tecnoloxías de e-confianza).
Daniel falou sobre o desenvolvemento da Sociedade da Información, afirmando que as políticas da sociedade da información son unha parte fundamental das axendas públicas e privadas en todos os países desenvolvidos. Destacou o gran número de entidades internacionais traballan xuntas para establecer as próximas estratexias da Sociedade da Información, unha tarefa global que en España é un factor decisivo e tamén fixo referencia á Presidencia do Consello Europeo no primeiro semestre de 2010, a cal foi o marco perfecto para a presentación dunha serie de propostas de España nesta área. Estas propostas, foron o resultado dunha frutuosa colaboración con entidades como a OCDE, da UIT e a Comisión Europea. En España, o Plan Avanza, o plan nacional para o desenvolvemento da Sociedade da Información, ten acadado resultados notables nos seus primeiros cinco anos e creou o ritmo para a segunda fase, que comeza o próximo ano de 2011.
Programa social
Paralelo as sesións técnicas do xoves e do venres os acompañantes dos congresistas puideron disfrutar duns entretidos programas sociais que lles permitiron coñecer parte da beleza paisaxística, gastronómica e cultural da nosa Comunidade. Deste xeito puideron facer dende o Monte do Gozo a derradeira etapa do Camiño de Santiago, visitar a Catedral e pasear polas súas cubertas e tellados, admirar a beleza da ría de Arousa nun paseo en barco ou paladear o viño Albariño na bodega do Pazo de Fefiñáns.
O xoves, ao peche do programa técnico todos os asistentes ó FITCE pudieron asistir á misa do Peregrino coa tirada do botafumeiro e na que se fixo unha ofrenda ó Apóstolo. De seguido, puideron disfrutar dunha cea típica galega, estilo romería, no Pazo de Vista Alegre. E o venres asistiuse á XV Noite Galega das Telecomunicacións e da Sociedade da Información.
FITCE 2010: Os nosos patrocinadores:
