Hoxe, durante a madrugada, producirase o apagamento das frecuencias que é preciso deixar dispoñibles debido ao proceso de liberación do Segundo Dividendo Dixital nos centros emisores de televisión da área xeográfica de Lugo.

Con este apagado remata o proceso de simulcast iniciado en setembro de 2019, no que as cadeas de televisión emitían simultáneamente a través das frecuencias novas e antigas na maioría dos centros da rede principal de difusión, pasando a partir de hoxe a emitir únicamente a través das novas frecuencias e, sendo polo tanto necesario facer unha resintonización de canles nos televisores que aínda non o fixeron.

As comunidades de veciños con instalación de antena colectiva afectadas polo Segundo Dividendo Dixital que aínda non fixeran os cambios no seu equipamento deberán poñerse en contacto cun instalador de telecomunicacións rexistrado para efectuala. O custo das devanditas actuacións estará subvencionado. A contía da subvención oscila entre 104,3€ e 677,95€, en función dos cambios precisos para a adaptación. A solicitude de axudas realizarase online ata o 30 de setembro de 2020 trala realización da adaptación das instalacións de recepción do sinal da TDT. Soamente poderán solicitar axudas para as actuacións realizadas por empresas instaladoras rexistradas no Rexistro de Instaladores de Telecomunicacións do Ministerio de asuntos Económicos e Transformación Dixital.

Os cidadáns poderán consultar as súas dúbidas na páxina web http://www.televisiondigital.es/ e nos teléfonos 901 201 004 e 910 889 879.