Novas sectoriais

A Televisión Dixital Terrestre (TDT) chegou coa promesa da interacción, que finalmente non se concretou nunha realidade palpable, e practicamente o único que podemos ver nesta liña é o uso da tecnoloxía HbbTV por parte das televisións públicas, o que permite principalmente que nalgúns televisores conectados á Rede teñamos dispoñibles baixo demanda moitos dos contidos á carta que ofrecen Televisión España e a Televisión de Galicia con só premer un botón do mando a distancia (ou sexa, sen ter que contar cunha aplicación específica instalada).

Fonte: codigocero.com

O operador R parece ter marcado como un dos seus propósitos para 2017 a popularización da domótica entre os seus clientes, e estes días está a reforzar a promoción do seu servizo 3ollos R, que vén a ser unha solución que informa do que acontece no fogar ou no negocio cando non se está alí presencialmente, de xeito que poden programarse avisos e reaccións, de xeito que será posible dende recibir unha alerta cando se detecte movemento na nosa casa cando estamos ausentes ou que poidamos acender a calefacción dende o móbil.

Fonte: codigocero.com

"Xa hai empresas que teñen robots colaborativos, unha nova xeración de robots deseñados para traballar á beira dos empregados, compartindo espazo cos traballadores, sen valos de seguridade. Véndense miles de unidades. Fai dez anos ninguén falaba deles e en dez anos máis estarán moi presentes en moitas empresas".

Fonte: lavanguardia.com

As liñas móbiles entre máquinas (M2M no acrónimo anglosaxón) viviron en 2016 un exercicio histórico en termos de crecemento, consolidándose como unha das vías de crecemento das grandes operadoras, nun momento de maduración do conxunto do negocio.

Fonte: cincodias.com

Libelium traballou coa empresa Mayflower Smart Control no desenvolvemento dun sistema de estradas intelixentes con redes de sensores inalámbricos no Reino Unido para atopar unha solución ao uso excesivo e innecesario de sal nas estradas durante as tempadas de neve e xeo.

Fonte: ciospain.es

Cambio drástico no escenario actual do sector español das telecomunicacións. O negocio da fibra, considerado estratéxico polas operadoras e no que España se converteu nun dos principais actores europeos por diante de Alemaña, Francia, Italia e Reino Unido, enfróntase á súa maior sacudida. Telefónica e Vodafone alcanzaron un acordo comercial de acceso almacenista á rede de fibra óptica ata o fogar (FTTH) do antigo incumbente.

Fonte: cincodias.com

A directora da Axencia para a Modernización Tecnolóxica de Galicia, (Amtega), Mar Pereira, e o secretario xeral de Cultura, Anxo Lorenzo, presentaron esta mañá en Madrid a iniciativa Memoria Dixital de Galicia no Foro “Cultura Intelixente”, organizado pola entidade estatal Red.es.

Fonte: amtega.xunta.gal

A quinta edición do HackForGood celebrábase do 9 ao 11 de marzo en quince sedes estatais ao tempo, nelas desenvolvíanse 150 aplicacións tecnolóxicas desenvolvidas por máis de 1.500 hackers de toda España co obxectivo de resolver os 200 retos sociais propostos pola organización mediante o uso masivo de datos. E nesta quinta edición do HackForGood seis estudantes do derradeiro curso do Grao en Enxeñaría de Tecnoloxías de Telecomunicación da Universidade de Vigo decidían presentar o seu proxecto académico, Learnfordown, obtendo o segundo premio deste certame. Asemade, esta iniciativa tamén era presentada á terceira edición viguesa do encontro HackforGood, acadando o primeiro posto.

Fonte: codigocero.com

ESA BIC Madrid Rexión, dotado con 1,2 millóns de euros ata 2019, conta con 14 proxectos de investigación aeroespacial, e contribuirá a que a actividade en I+D+i alcance o 2% do PIB rexional en 2020. 

Fonte: eleconomista.es

Profesionais do ámbito da fotónica e a seguridade de oito entidades europeas, lideradas por Aimen, reúnense desde onte en Vigo para abordar a última fase de desenvolvemento dun dispositivo que permitirá monitorar a seguridade en túneles e portos, en situacións de baixa ou nula visibilidade. Os últimos avances do proxecto denominado SEERS (Cámara Multiespectral para Vixilancia Infravermella de Baixo Custo, nas súas siglas en inglés) presentáronse hoxe na sede de Gradiant, Centro Tecnolóxico de Telecomunicacións de Galicia. Cun orzamento de 3,7 millóns de euros, o proxecto foi financiado pola convocatoria europea Horizon 2020 e entrará na súa fase de probas a mediados de ano.

Fonte: farodevigo.es

Distribuir contido