Este venres falarase na Coruña, e moito, do que poden facer as novas tecnoloxías da información, este mundo conectado, para afondarmos no noso coñecemento dos mundos. E cando falamos de mundos, principalmente os nosos: tanto a nivel galego como de concellos. Falamos da Xornada sobre Avances na Información Xeográfica no Ámbito Autonómico e Municipal, organizada polo Instituto de Estudos do Territorio da Consellería de Medio Ambiente, este 17 de marzo a partir das 10.00 no auditorio da sede de AFundación na Coruña. O obxectivo: fornecer unha visión das tecnoloxías para xestión da información xeográfica.

Fonte: codigocero.com

Tres estudantes da Universitat Politècnica de València (UPV) foron os gañadores da quinta edición de 'HackForGood' global cun primeiro premio dotado con 6.000 euros grazas ao seu proxecto 'Luz Verde', unha aplicación móbil capaz de "traducir" o estado dos semáforos para axudar ás persoas invidentes, segundo informou a universidade nun comunicado.

Fonte: eleconomista.es

A innovación española recibiu hai uns días unha gran noticia. Segundo a última memoria anual da Oficina Europea de Patentes (OEP) correspondente a 2016, as empresas españolas recibiron o maior número de patentes europeas da súa historia: 752, un 47,2% máis que en 2015 cando lle foron concedidas 511. Tamén crece o volume de solicitudes por segundo ano consecutivo ata 1558, un 2,6% máis respecto de 2015. O que representa o terceiro maior crecemento, só por baixo de Bélxica e Italia. A maioría destas peticións concéntranse en Cataluña (un 35,1%), Madrid (20,6%) e o País Vasco (13,4%). A nivel mundial, todo isto convértenos no decimoséptimo país por número de solicitudes de patentes. Clasificación que lideran Estados Unidos, Alemaña e Xapón.

Fonte: abc.es

O MareNostrum de Barcelona, ariete na investigación contra o cancro, terá 12 veces máis potencia tras a súa transformación, que comeza esta semana.

Fonte: elpais.com