Enxeñarías nos eidos de telecomunicación, aeronáutica, informática, industrial e minas e enerxía e liñas de actuación estratéxicas en formación, investigación, innovación e transferencia. A Universidade de Vigo está presente no I Congreso Internacional de Drones, que desde este venres e ata o domingo se celebra en Expourense, co obxectivo de visibilizar e dar pulo ao potencial que a institución académica está despregando neste emerxente sector. Os drones, subliñou Salustiano Mato, reitor da Universidade de Vigo, na inauguración da cita, supoñen “unha grande oportunidade e desde a Universidade estamos preparados para aproveitala”.

Fonte: duvi.uvigo.es

Bill Kochevar é un cidadán estadounidense de 56 anos de idade que fai xa hai case unha década sufriu un accidente de bicicleta moi grave. Como consecuencia deste accidente, sufriu unha lesión na medula espinal que provocou que perdese toda a mobilidade por baixo do seu pescozo. É dicir, adquiriu unha tetraplejia e padece unha parálise total de todas as súas extremidades. Pero agora, e froito dos avances logrados por un equipo de investigadores estadounidenses, Bill Kochevar é a primeira persoa con tetraplejia do mundo que logrou recuperar, aínda parcialmente, a mobilidade dos seus brazos e mans.

Fonte: abc.es

Unha análise das utilidades e aplicacións do Big Data no ámbito da saúde, así como a avaliación da súa implantación, é o que ofrece o último informe elaborado polo Observatorio Nacional das Telecomunicacións e da Sociedade da Información (ONTSI) e a Fundación Vodafone, titulado Big Data en saúde dixital. O documento pon de relevo que o Big Data é clave para o sostemento presente e futuro do Sistema Nacional de Saúde.

Fonte: esmartcity.es

Finalmente e tal e como anunciamos dende Código Cero, inaugurouse o venres 24 o Edificio de Novas Tecnoloxías de Lugo, un centro TIC ao servizo da cidadanía para, en palabras do Concello, situar a cidade na vangarda dixital. Amais de fornecer gratuíta e libremente tecnoloxías e servizos (computadores, accesos, programas, etc) para que a veciñanza saque o máximo proveito da Sociedade do Coñecemento, un dos obxectivos que alentaron a posta en marcha do Edificio foi a vontade do Concello de dinamizar o casco histórico e asentalo como referente de cara ás cuestións tecnolóxicas locais. Máis en detalle, con esta nova infraestrutura pública no corazón da zona vella (trátase dun inmóbel anexo ao consistorio, recentemente remodelado), o Goberno local “ten vontade de achegar un punto neurálxico dos recursos tecnolóxicos da cidade, dirixido a todos os públicos e de todas as idades”.

Fonte: codigocero.com