Noticias

 

Publicamos un novo artigo en La Voz de Galicia "A era dos ordenadores atómicos"

Onte día 6 de outubro publicamos na sección Mercados de La Voz de Galicia un novo artigo de carácter divulgativo, escrito nesta ocasión polo decano/presidente do COETG/AETG, Julio Sánchez Agrelo.

A computación cuántica supón un gran desafío científico, será unha revolución no aumento da capacidade de procesado dos computadores. A supremacía cuántica é algo que non somos capaces de imaxinar: simular o comportamento molecular da materia permitirá desenvolver novos materiais, novos fármacos, etc., pero haberá que superar o reto de suprimir o ruído cuántico, que ameaza con deter toda esta capacidade de cálculo. Accede á publicación.

20191006 voz.webp

Orde Ministerial ECE/983/2019, de 26 de setembro que modifica o regulamento de ICT

De interese para colexiados

O pasado 3 de outubro publicouse no Boletin Oficial do Estado a Orde Ministerial ECE/983/2019, do 26 de setembro, pola que se regulan as características de reacción ao lume dos cables de telecomunicacións no interior das edificacións, modifícanse determinados anexos do Regulamento regulador das ICT para o acceso aos servizos de telecomunicación no interior das edificacións, aprobado por Real Decreto 346/2011, do 11 de marzo, e modifícase a Orde ITC/1644/2011, do 10 de xuño, pola que se desenvolve o citado regulamento.

Pódese consultar o texto completo en Orde Ministerial ECE/983/2019.

escudo.gif

A Intelixencia Artificial contribúe decisivamente nos avances do diagnóstico e tratamento de enfermidades

Humberto Bustince, catedrático de Ciencias da Computación e Intelixencia Artificial analiza en profundidade os efectos do Big Data e a Intelixencia Artificial na Medicina, na primeira das xornadas celebrada onte na Cidade da Cultura de Galicia, en base ao convenio que asinamos coa Amtega para a promoción das Tecnoloxías da Información e a Comunicación durante o ano 2019.

Durante a súa intervención, o relator explicou como axuda a Intelixencia Artificial e a Ciencia dos Datos, na detección e diagnóstico de determinadas doenzas, como o cancro e expuxo varios casos de uso nos que se están aplicando estas tecnoloxías.

bustince conf.jpeg
Ler máis

Presentación do vídeo "Somos Enxeñeiros de Telecomunicación"

Desde o Colexio Oficial de Enxeñeiros de Telecomunicación, realizamos este vídeo de presentación no que tratamos de sintetizar en menos de 4 minutos o que significa ser Enxeñeiro de Telecomunicación e a contribución da nosa profesión ao progreso da sociedade liderando a innovación e a disrupción. Gracias ao noso traballo temos 5G, Internet, Móbiles, Intelixencia Artificial, BigData, GPS, Ciberseguridade e moitas máis tecnoloxías.

Accede ao vídeo

hqdefault.jpg

Oferta de cursos on line para outubro. Matrícula xa aberta!

Xa está aberto o prazo para matricularse a calquera dos cursos que darán comezo durante o mes de outubro. Organizados polo Colexio, impartiránse en formato on line novas ediciones do “Curso de Hacking Ético y Técnicas de Hacking Avanzadas sobre Windows”, do “Curso de Sistemas de Gestión de la Seguridad de la Información” e do "Curso Proyectos de Cableado Estructurado y Fibra Óptica". Como novidade terá lugar a primeira edición do "Curso de BIM Telecomunicaciones”.

octubre.jpg
Ler máis

Participación do COETG na xuntanza de arranque do proxecto #Escoita

Hoxe tivo lugar no Palacio Municipal da Coruña a presentación e primeira xuntanza de traballo do proxecto #Escoita, no que participamos xunto co resto de entidades implicadas, a través do que se dará solución ás persoas con discapacidade visual na cobertura de eventos deportivos mediante a utilización de tecnoloxías radio sen retardo. A iniciativa conta co respaldo do Concello da Coruña, o Real Club Deportivo da Coruña, a Fundación ONCE, a Universidade da Coruña e varios medios de Comunicación, todos eles implicados no proxecto, ademais do propio COETG, representado polo decano Julio Sánchez Agrelo e o vogal da xunta de goberno, Javier Fernández Fraga.

20190927 mesa trabajo Escoita.jpeg
Distribuir contido