Noticias

 

Visita ao Centro de Proceso de Datos Integral da Xunta de Galicia (CPDi)

O Colexio Oficial e a Asociación de Enxeñeiros de Telecomunicación de Galicia organizaron o pasado día 5 de xullo unha nova visita á Cidade da Cultura na que participaron unhas cincuenta persoas, esta vez para visitar o Centro de Proceso de Datos Integral da Xunta de Galicia (CPDi), dotado dunhas infraestruturas tecnolóxicas á vangarda do sector.

Grazas a Carlos Pedreira, membro do COETG e responsable da Área TIC da Cidade Cultura, os enxeñeiros de telecomunicación e as súas familias e amizades puideron acceder a este CPD de altas prestacións cun guía de excepción.

coetg_001_0.jpg
Ler máis

Colexiad@s e asociad@s do COETG/AETG visitarán o Centro de Proceso de Datos Integral da Xunta de Galicia

O Colexio Oficial e a Asociación de Enxeñeiros de Telecomunicación de Galicia organizan unha visita ao CPDi (Centro de Proceso de Datos Integral) da Xunta de Galicia e ao Museo da Cidade da Cultura.

Este acto, que terá lugar o xoves día 5 de xullo, comezará ás 17h coa visita ao CPDi, guiada polo responsable da Área TIC da Cidade da Cultura cunha duración aproximada de 45 minutos e posteriormente realizarase unha visita guiada á exposición temporal Gallaecia Petrea do Museo da Cidade da Cultura.

images.jpg

Participa na enquisa profesional dos Enxeñeiros de Telecomunicación!

Co obxecto de elaborar un mapa preciso da situación laboral e profesional dos enxeñeiros de telecomunicación, o Colexio Oficial e a Asociación de Enxeñeiros de Telecomunicación de Galicia colaboran co Colexio e a Asociación a nivel nacional, na difusión dunha enquisa para coñecer con exactitude o grao de formación, o desenvolvemento profesional e as expectativas laborais dos enxeñeiros de telecomunicación, e en particular, dos enxeñeiros galegos.

Consideramos que é moi importante contar cunha análise exhaustiva da situación da profesión para poñer en marcha cantas iniciativas beneficien ao conxunto de profesionais que representamos e poder desenvolver accións específicas que respondan ás necesidades reais do colectivo.

Máis información

escudo.gif

O COETG acompañou no seu Acto de Gradación á Promoción 2012 da EET

O vicedecano do COETG, Miguel Merino Gil, deu a benvida ao mundo profesional aos recentemente graduados das tres titulacións da Escola de Enxeñería de Telecomunicación e animounos a participar na vida colexial.

Durante o acto recibiron o seu diploma 35 estudantes de Enxeñaría de Telecomunicación, 14 da especialidade en Sistemas de Telecomunicación e 8 da especialidade en Son e Imaxe.

700x465-gal9.thumbnail.jpg
Ler máis

Juan Valdés Payá, toda unha vida dedicada ás Telecomunicacións

O Colexio Oficial de Enxeñeiros de Telecomunicación de Galicia (COETG) rende hoxe homenaxe póstumo ao ex xefe provincial de inspección de Telecomunicacións da Coruña, Juan Valdés Payá, que faleceu onte tras toda unha vida profesional dedicada ao fomento e impulso das telecomunicacións en Galicia.

Testemuña directa da explosión das telecomunicacións que proliferaron de maneira imparable dende o inicio da súa traxectoria profesional, durante os máis de trinta anos de servizo á profesión, Juan Valdés Payá foi o encargado de desenvolver a implementación das TIC na provincia da Coruña, contribuíndo notoriamente a implantar os novos sistemas de telecomunicacións.

Ler máis

Xornada sobre Novas Políticas en Telecomunicacións e Sociedade da Información

O vindeiro día 27 de xuño terá lugar en Madrid a xornada sobre Novas Políticas en Telecomunicacións e Sociedade da Información, na que colaboran diferentes asociacións relacionadas directamente co sector das telecomunicacións ademais do Colexio Oficial de Enxeñeiros de Telecomunicación.

xornada.gif
Ler máis
Distribuir contido