Hoxe publícase na Voz de Galicia o artigo do noso compañeiro Xavier Alcalá "Muiños mariños" no que fala do potencial de Galicia en materia de produción de enerxía eólica e advirte da necesidade de estudos que garantan a convivencia destas infraestruturas xeradoras de enerxía verde cos radares e a goniometría das embarcacións.

Accede aquí á publicación

O COETG, o COIT e Telefónica convocan as xornadas "El poder transformador del 5G" para divulgar casos reais e amosar as súas posibilidades na dixitalización.

O Colegio Oficial de Ingenieros de Telecomunicación (COIT), o Colexio Oficial de Enxeñeiros de Telecomunicación en Galicia (COETG) e Telefónica organizamos conxuntamente as xornadas “El poder transformador del 5G” que se celebrarán do 15 ao 17 de xuño en formato virtual. Nelas abordaranse aspectos relacionados co impacto do 5G en todos os niveis, tanto industriais como económicos e sociais, ademais de presentarse casos de uso xa implantados con clientes reais en diversos ámbitos de actividade como Industria 4.0, educación, coche conectado ou ehealth.

O evento conta con seis mesas (cinco abertas e unha por invitación) cun plantel de expertos procedentes de distintas administracións públicas, empresas, entidades privadas, universidades e centros de investigación.O ciclo de conferencias e debates poderase seguir en aberto e de forma gratuíta, previa inscrición, e co cancelo #Pilotos5G.