Noticias

 

De interese para colexiados

Abriuse o prazo para a "Convocatoria de edificación de los premios de Conectividad en la Edificación 2019. Acercamiento Hacia El Edificio Inteligente" organizada polo COIT. Este premio ten como obxectivo recoñecer aqueles proxectos e iniciativas no campo do edificio que destacaron mediante o uso de tecnoloxías vinculadas á profesión de Enxeñeiro de Telecomunicación e que, ao mesmo tempo, tiveron participación activa dos membros deste colectivo, nas fases de proxecto ou execución.

Os interesados poden participar e presentar as súas candidaturas ata o vindeiro 2 de setembro nas seguintes categorías de premios: Ao mellor proxecto para edificios de nova construcción ou ao mellor proxecto para edificios existentes.

Premios edificacion.png

Onte publicouse na sección de opinión de La Voz de Galicia o artigo escrito polo enxeñeiro de telecomunicación e decano do COETG, Julio Sánchez Agrelo, no que explica a través dun símil sinxelo os cambios que se están a producir pola liberalización de banda de frecuencias de emisións radioeléctricas pertenecentes a canles da TDT.

Accede á publicación

portada-twitter-02.jpg

A Asociación de Enxeñeiros de Telecomunicación de Galicia edita unha nova edición da revista corporativa A Nosa Rede, monográfica do encontro anual máis significativo organizado polo COETG e a AETG: A Noite Galega das Telecomunicacións e da Sociedade da Información 2019.

Neste número recóllese a crónica e galería fotográfica do evento e multitude de artigos sobre a Converxencia Tecnolóxica da 5G escritos por expertos das entidades participantes.

Como novidade respecto a números anteriores a revista publícase en galego e en castelán con destacados en inglés en ámbalas dúas versións. Accede aquí ás publicacións:

A Nosa Rede en galego A Nosa Rede en castellano

De interese para colexiados e asociados

O vindeiro día 22 de xullo celebrarase a xornada técnica “A conectividade nos cascos históricos”, que terá lugar a partir das 10:30 horas, no Auditorio do Museo das Peregrinacións de Santiago de Compostela (Praza das Praterías, 2), dutante a que se presentará o Catálogo de solucións para actuacións de tendido da rede de fibra óptica en contornas urbanas de especial protección e conxuntos históricos de Galicia. Ademais, diversos expertos analizarán a situación actual dos despregues de fibra óptica e o estado dos servizos de telecomunicacións nos cascos históricos.

cascos historicos.jpg

De interese para asociados

A Asociación de Enxeñeiros de Telecomunicación de Galicia asinou un convenio co Banco Sabadell co obxectivo ofrecer aos asociados unha serie de vantaxes en productos bancarios pensados especificamente para profesionais. Coa idea de promover o traballo dos asociados, protexer os seus intereses e valores profesionais, asinouse este acordo a través do cal as persoas interesadas poderán solicitar orientación personalizada cun xestor que lles axudará a atopar a mellor solución ás súas necesidades.

firma convenio.jpeg

Ata o vindeiro 14 de xullo está aberto o prazo de matrícula para asistir ao curso de Especialista en Tecnoloxías de quinta xeración que se impartirá na Escola de Enxeñería de Telecomunicación de Vigo e que dará comezo o 13 de setembro.

Esta actividade formativa ten como obxectivo a reciclaxe de profesionais do sector de telefonía móbil celular coas características novedosas de 5G e completar a formación de titulados de grao no ámbito da enxeñería de Telecomunicación, ou nas TIC en xeral, especializándose na 5G.

Curso5G.PNG
Distribuir contido