Noticias

 

Para os que non puideron seguila en directo xa está dispoñible a conferencia virtual impartida por Marco Guadalupi o 6 de xullo baixo o título "Tecnoloxías 5G NB-IoT por satélite". Esta sesión formativa organizouse enmarcada nas actuacións a realizar pola AETG vinculadas á colaboración que temos coa Amtega para o fomento da Sociedade da Información.

Accede ao vídeo:

"Tecnoloxías 5G NB-IoT por satélite"

satelliot web.png

O 27 de xuño baixo o título "Berlusconi TV" publicouse un novo artigo de opinión en La Voz de Galicia do noso compañeiro Xavier Alcalá.

Accede aquí á publicación

alcala berlusconi.jpeg

O vindeiro día 6 de xullo de terá lugar a conferencia "Tecnoloxías 5G NB-IoT por satélite" da man de Marco Guadalupi, enxeñeiro de telecomunicación experto nesta área.

A xornada organízase coa colaboración da Axencia para a Modernización Tecnolóxica de Galicia co obxectivo de dar pulo ao coñecemento de tecnoloxías IoT por satélite, como alternativa de uso na estrutura económica galega.

Está dirixida a enxeñeiros/as das especialidades de telecomunicacións, electrónica industrial e informática, ademais de docentes e estudantes de Formación Profesional e empresas de enxeñería e servizos TIC.

Marco Guadalupi e enxeñeiro de telecomunicación pola Universidade de Bolonia, posgrado en Auditoría en Seguridade Informática e máster en Internet das Cousas. Cofundador e Director Técnico de Sateliot, o primeiro operador de telecomunicacións satelitais que proporcionará conectividade global e continua a tódolos elementos que conformarán o universo da Internet das Cousas (IoT) -como a agricultura conectada ou a gandeiría extensiva baixo o estándar 5G NB-IoT NTN.

Máis información e inscrición

imaxe invitación.jpg

O vindeiro 6 de xullo, ás 11 da mañá, a Axencia Galega de Innovación organiza unha xornada de presentación da nova convocatoria de "Fábrica intelixente e sostible" en Santiago de Compostela. Durante o evento farase unha descrición do programa e das novidades nesta convocatoria e presentaranse os casos de éxito de Finsa, Benteler e Estrella Galicia. Tamén se dará resposta ás posibles dúbidas que poidan xurdir sobre a convocatoria.

Máis información e inscrición

Programa.jpg

En virtude do acordo de colaboración entre o Colexio Oficial/Asociación de Enxeñeiros de Telecomunicación de Galicia e APD (Asociación para el progreso de la dirección), os asociad@s/colexiad@s interesados poderán asistir de balde ao encontro Redescubriendo la Inteligencia Artificial que terá lugar o 16 de xuño en Santiago de Compostela. O evento contará coa participación de Alberto Granados, presidente de Microsoft España e durante o mesmo trataranse temas de actualidade como o metaverso, ChatGPT e outras tendencias de impacto para as empresas.

apd_IA_20230616.png

O venres 2 de xuño celebrouse o acto de graduación do alumnado do Grado e do Máster en Enxeñaría de Telecomunicación da Universidade de Vigo. En representación do Colexio e da Asociación asistiu o decano e presidente destas institucións, Julio Sánchez Agrelo, xunto con representantes do eido universitario coma o reitor da Universidade de Vigo, a directora da Escola de Enxeñaría de Telecomunicación, a madriña da promoción do MET, o padriño do Grao e representantes do estudantado. Na gala tamén estiveron presentes o alcalde de Vigo, o decano/presidente do Colexio Oficial de Enxeñeiros Técnicos de Telecomunicación de Galicia, e representantes de empresas tecnolóxicas.

WhatsApp Image 2023-06-02 at 18.14.43.jpeg
Distribuir contido