Noticias

 

Percorremos a Ruta da construcción naval co CGES

O venres 5 de abril membros do COETG e dos outros sete Colexios que integran o Consello Galego de Enxeñerías percorreron a Ruta da Construcción Naval en Ferrol. A ruta deu comezo coa visita ao arsenal do S.XVIII, para continuar ata Navantia onde os asistentes foron recibidos polo seu director, Jorge Filgueira quen lles amosou as distintas zonas e edificios que compoñen o estaleiro, sobre a maqueta das instalacións, realizando tamén un breve percorrido histórico das distintas etapas do mesmo. O percorrido rematou coa visita ao museo da construcción Naval (EXPONAV).

navantiacges.jpeg

Celébrase o #Orange20Aniversario

De interese para colexiados
Mañá 10 de abril celébrase na Cidade da Cultura o #Orange20Aniversario. Durante o acto, presentado por Luz Usamentiaga, directora de Relaciones Institucionales, RSC y Fundación de Orange España, terá lugar a presentación do informe “Impacto de 20 años de liberalización de las telecomunicaciones en España 1998-2018”, 20 aniversario de Orange. Impacto en Galicia a cargo de Miguel Barroso, Socio de Deloitte e que contará coa intervención de Ignacio de Orúe, Director de Personas Comunicación y Relaciones Institucionales de Orange España.

image003.png
Ler máis

Celebrada a Asemblea e Xunta Xeral Ordinarias do COETG e da AETG

Na tarde de onte tiveron lugar a Asemblea Xeral Ordinaria do Colexio Oficial de Enxeñeiros de Telecomunicación de Galicia e a Xunta Xeral Ordinaria da Asociación de Enxeñeiros de Telecomunicación de Galicia en Santiago de Compostela. Ámbalas dúas xuntanzas transcorreron segundo os puntos recollidos nas respectivas ordes do día coa aprobación das actividades do COETG e da AETG, a aprobación das contas anuais e orzamentos e as altas e baixas de colexiados e asociados.

IMG_0915web.JPG
Ler máis

Presentación das ‘Medidas desde a Enxeñería para o Desenvolvemento de Galicia’

O venres día 22 de marzo presentamos publicamente xunto cos demais Colexios de Enxeñería que conformamos o CGES, o documento elaborado conxuntamente ‘Medidas desde a Enxeñería para o Desenvolvemento de Galicia’ no que, os Enxeñeiros de Telecomunicación como precursores e impulsores da informática e as telecomunicacións, propuxemos un conxunto de medidas para impulsar o desenvolvemento de Galicia, en catro grandes liñas:

• Medidas que impulsen a creación dunha potente industria das telecomunicacións e as tecnoloxías da información en Galicia, que atraia a empresas foráneas ao seu establecemento na nosa terra.
• Medidas que impulsen a creación de empresas con base tecnolóxica e centradas no dato, que fagan uso de habilitadores como: a intelixencia artificial, o Big Data, a Ciberseguridade, etc
• Medidas que impulsen a formación dun denso tecido de profesionais altamente capacitados: enxeñeiros de telecomunicación, científicos do dato, programadores, etc.
• Medidas que impulsen a transformación da industria en industria 4.0 a través das TIC.

O documento pódese descargar no seguinte enlace Medidas CGES

decanoActoCGES.jpg
Ler máis

Convocada a XXXIX edición dos premios Ingenieros de Telecomunicación

Convocada a XXXIX edición dos premios "Ingenieros de Telecomunicación" coa que o Colegio Oficial e Asociación de Ingenieros de Telecomunicación quere galardoar un ano máis aos mellores Enxeñeiros de Telecomunicación do ano 2018 nas diferentes categorías:

Mellor Tese Doutoral
Mellor proxecto fin de carreira ou Traballo fin de Master
Mellores traxectorias académicas en enxeñería de telecomunicación

A data límite para a presentación dos traballos para todas as categorías será o vindeiro 31 de marzo de 2018.

premioscoit2019.png
Ler máis

Presentamos a través do CGES as ‘Medidas desde a Enxeñería para o Desenvolvemento de Galicia’. Venres 22 de marzo

O Consello Galego de Enxeñerías (CGES), do que forma parte o COETG, presentará as ‘Medidas desde a Enxeñería para o Desenvolvemento de Galicia’ o vindeiro venres 22 de marzo ás 9.30 horas na sede de AFundación na cidade da Coruña nun acto que contará coa participación do presidente da Xunta, Alberto Núñez Feijóo.

‘Medidas desde a Enxeñería para o Desenvolvemento de Galicia’ é un documento que recolle 107 medidas agrupadas en 20 áreas temáticas e xorde, segundo palabras do presidente do CGES, Oriol Sarmiento Díez “da visión que ten cada Enxeñería agrupada no CGES acerca das cuestións de importancia para o desenvolvemento e mellora da nosa contorna a nivel rexional pero desde un prisma global. Por iso, condensamos ese catálogo de intereses, prioridades e oportunidades en 20 temáticas e máis de 100 medidas que buscan un futuro mellor, seguro e viable”.

Para asistir é imprescindible cubrir o seguinte formulario de inscrición antes das 15:00 horas do vindeiro 21 de marzo:


Inscrición Acto Presentación Medidas

invitacion.jpg
Ler máis
Distribuir contido