Noticias

 

A Asociación de Empresas Galegas adicadas a Internet e ás Novas Tecnoloxías, EGANET, convoca a décima edición dos seus premios, unha década de estímulo ao labor de creación dos empresarios, profesionais e outros axentes que se senten comprometidos coa expansión da Sociedade da Información en Galicia e que deseñan, programan, desenvolven, implantan ou usan produtos e servizos que teñen en Internet e as novas tecnoloxías da información a súa razón de ser.

A vicepresidenta da Comisión Europea (CE) e titular da Axenda Dixital Europea, Neelie Kroes, vén de anunciar a convocatoria de axudas destinada a mozos emprendedores do sector das Tecnoloxías da Información e a Comunicación na que se repartirán 15 millóns de euros en proxectos innovadores.

A convocatoria é a primeira deste tipo do novo programa multianual HORIZONTE 2020 e estará aberta até o próximo 23 de abril, segundo informou o Executivo.

O vindeiro martes día 17 de decembro de 2013, terán lugar as Asembleas Xerais da Asociación Española de Ingenieros de Telecomunicación e Colegio Oficial de Ingenieros de Telecomunicación. Celebraranse in situ na sede do Instituto da Enxeñaría de España (Rúa General Arrando nº 38 de Madrid).

En Galicia, os asociad@s/colexiad@s interesados, poderán asistir indistintamente á ambas Asembleas por videoconferencia dende Vigo ou A Coruña, en:

Vigo - Aula T214 da Escola de Enxeñaría de Telecomunicación. Lagoas Marcosende, s/n.
A Coruña - COETG. Rúa Juana de Vega, 4 - 1ºI.

O vindeiro xoves 5 de decembro terá lugar a Xornada "Novos perfís profesionais na era dixital", enmarcada no programa de Voluntariado Dixital da AMTEGA, na súa liña de actuación de apoio na procura de emprego. A xornada, que terá lugar no Salón 103 da Cidade da Cultura, vai dirixida a voluntari@s dixitais, entidades de Acción Social, moz@s, persoas desempregadas, orientadores laborais e calquera persoa interesada, entusiasta de Internet e o 2.0.

A asistencia á xornada é de carácter gratuíto.

Hoxe tivo lugar a presentación da “Guía de boas prácticas para o despregamento das infraestruturas de telecomunicación”, un documento elaborado polo Colexio e a Asociación de Enxeñeiros de Telecomunicación de Galicia (AETG) en colaboración coa Axencia para a Modernización Tecnolóxica de Galicia (AMTEGA), na Cidade da Cultura. Trátase dun Manual de referencia para o desenvolvemento das infraestruturas TIC necesarias para soportar o acceso aos novos servizos tecnolóxicos que posibilita a Sociedade da Información. Tralo acto, que contou coa presenza da directora da AMTEGA, Mar Pereira e do decano/presidente do COETG/AETG, Ramón Bermúdez de Castro Olavide, tivo lugar unha xornada técnicoformativa que se desenvolveu ao longo de toda a mañá, e na que estiveron presentes os principais prescriptores técnicos da materia (enxeñeiros de telecomunicación, instaladores, operadoras, etcétera) dos 314 concellos galegos e das entidades máis representativas neste eido.

noite1.jpg

Recentemente asinouse un Convenio entre a Xunta de Galicia e a Asociación de Enxeñeiros de Telecomunicación de Galicia para a posta en marcha dunha serie de actuacións para o fomento da Sociedade da Información, entre as que destaca o impulso ás infraestruturas de telecomunicacións en Galicia.

Distribuir contido